في رحلتي كسّرت أنا كل الأبواب
كنت أحسب إن المسأله بالمشاعيب
قمت آتعزوى و أنتخي وين الأصحاب
وين النشامى وينكم ياهل الطيب
و جوني بعض و المشكلة بالذي غاب
في وقتها غياب الرجل يعتبر عيب
بس المهم إني تحديت الأصعاب
و عذّبت من جاني بلا حق تعذيب
يا ليتني حاسب لها ميّه حساب
بس الخطا كنت أعتبرها مواجيب
صوّبت قبل أعرف أنا ليه منصاب
و دفعت أنا أغلى ثمن قبل لا طيب
و عرّضت جرحي للمعازيب ما طاب
أثري صوابي جايزٍ للمعازيب