يا طبيب القلوب إن كان تعرف مرضهن
هن يداوَن جروح الوقت أو ما يداوَن
الغريبه جروحي ما يدانن بعضهن
بس من طول مدتهن بقلبي تخاوَن
كل ما أونستهنقمت أشتكي و آعرضهن
مير ذاك الوقت فالشدّات محدٍ يعاون
شف تردّن عزومي مير محدٍ نهضهن
كل من رحت يمّه قال ما ينتداوَن
حسبي الله على اللي وسط قلبي فرضهن
لين خلاّ الليالي في عيوني تساوَن
يا طبيب القلوب أرجوك شف وش غرضهن
قم أنا و انت تكفى يا طبيب تعاوَن
أكثر الناس قالوا كلمتين آحفظهن
ما يطيب المرض دام المريض يتهاوَن